قىتايدىڭ ەكسپورت-يمپورتتىق بانكٸ قازاقستانعا تاس جول قۇرىلىسىن جٷرگٸزۋگە 730 ملن دوللار كٶلەمٸندە نەسيە بەرۋدٸ جوسپارلاپ وتىر, دەپ حابارلايدى qazaqtimes.com.
قازاقستان رەسپۋبليكاسى ٷكٸمەتٸنٸڭ قاۋلىسىنا سەيكەس, قارجى مينيسترلٸگٸنە «استانا-قاراعاندى-بالقاش-كٷرتٸ-قاپشاعاي-الماتى», «قاراعاندى-بۇرىلبايتال», «قاراعاندى-بالقاش» تاس جولىنىڭ «ورتالىق-وڭتٷستٸك» دەلٸزٸن قايتا سالۋ» جوباسى بويىنشا قىتايدىڭ ەكسپورت-يمپورتتىق بانكٸنە «قازاۆتوجول» ۇلتتىق كومپانيياسى» اكتسيونەرلٸك قوعامىنىڭ 727 ملن. 212 مىڭ دوللار كٶلەمٸندەگٸ زاەمىنا مەملەكەتتٸك كەپٸلدٸك قۇجاتتارىن دايىنداپ, ۇسىنۋ تاپسىرىلعان.
جالپى, قازاقستاننىڭ سىرتقى قارىزى 2016 جىلدىڭ جەلتوقسان ايىنداعى كٶرەستكٸش بويىنشا 163 758 ميلليارد دوللاردى قۇراعان. ونىڭ ٸشٸندە نيدەرلاندىعا 47,3 ميلليارد دوللار, ۇلىبريتانيياعا 24, 6 ميلليارد دوللار, اقش-قا 12,9 ميلليارد دوللار, قىتايعا 12,6 ميلليارد دوللار, فرانتسيياعا 11,7 ميلليارد دوللار قارىز.
بٸراق دەل وسى مەملەكەتتەردٸڭ بٸرقاتارى قازاقستانعا قارىز. اتاپ ايتقاندا اقش 54,9 ميلليارد دوللار, نيدەرلاندى 20,5 ميلليارد دوللار, ۇلىبريتانييا 16 ميلليارد دوللار, رەسەي 7,5 ميلليارد دوللار, گەرمانييا 4,4 ميلليارد دوللار بٸزدٸڭ ەلٸمٸزگە قارىز. جالپى, 2016 جىلدىڭ قورىتىندىسى بويىنشا, ٶزگە ەلدەردٸڭ قازاقستان الدىنداعى بەرەشەگٸ 169, 4 ميلليارد دوللار بولعان.
