Qazaqstannyń veterinarlyq júiesine baǵa berý úshin, QR Aýyl sharýashylyǵy ministrliginde Qytaidyń Sapa, tekseris jáne karantindi baqylaý boiynsha Bas basqarmasy (AQSIQ) men Sertifikattaý men tirkeý jónindegi Bas basqarmasynyń ókilderimen kezdesý ótti.
Aǵymdaǵy jyldyń 19-27 sáýir aralyǵynda qytai delegattary Ministrlik pen «Atameken» QR UQP jáne Sarapshylar qaýymdastyǵy usynǵan qoi etin óndiretin kásiporyndarǵa tekserý júrgizedi, dep habarlaidy QR AShM baspasóz qyzmeti.
Arnaiy inspektsiia qazaqstandyq áriptesterimen birlesip elimizdiń 5 óńirindegi iri et óndirýshi kásiporyndardyń jumysymen tanysýdy josparlap otyr. Qazirgi ýaqytta, Qytaidyń STKBBB jáne STBB-na álem boiynsha 100-den asa memleket 10 myńnan asa usynys tastap kezegin kútýde. Alaida, QR Premer-Ministriniń orynbasary - Aýyl sharýashylyǵy ministri Asqar Myrzahmetovtiń aǵymdaǵy jyldyń sáýir aiynyń basynda Qytai Halyq Respýblikasyna issapary aiasynda jasalǵan kelissózderdiń arqasynda, Qazaqstannan túsken usynystarǵa airyqsha mán berilip, merzimi jedeldetildi.
Tekserý nátijesiniń qorytyndysy boiynsha, qazaqstandyq qoi etin qytai naryǵyna shyǵarýǵa ruqsat berý máselesi qarastyrylady. Sonymen qatar, QHR-ge shyǵarylatyn qoi eti ónimderine qoiylǵan veterinarlyq-sanitarlyq talaptarǵa sáikes bolýy sóz bolady.
