Qytai kompartiia jiynynda eldegi otbasylarǵa úsh bala dúniege ákelýge ruqsat beretin qujatty maquldady. Qytaidyń resmi Xinhua agenttiginiń habarlaýynsha, bul jiyn el prezidenti Si Tszinpinniń basqarýymen ótti.
Pekin bul ózgeristi elde halyq sany kúrt azaiyp, kárilerdiń sany artyp bara jatqan tusta qabyldady.
Qytai 1979 jyly "Bir otbasy – bir bala" saiasatyn engizgen. Osydan soń elde jastardyń sany azaiyp, qarttar kóbeie bastaǵan. 2016 jyly Pekin bul saiasatty ózgertip, bir otbasyǵa eki bala dúniege ákelýge ruqsat bergen.
Qytai biligi biyl 11 mamyrda 2020 jylǵy halyq sanaǵynyń nátijesin jariialaǵan. Sanaq nátijesine sai, keiingi on jylda Qytai halqy 72 millionǵa ǵana ósken. Bul – 1960 jyldardan bergi eń tómengi ósim. Qazir bul elde 1 milliard 412 million adam bar.
Qytaidyń statistika biýrosy sáýirde "elde 2020 jyly 12 mln bala ǵana dúniege kelgenin, týý deńgeii tómendep bara jatqanyn" málimdegen.
