Foto: pixabay
11 qarasha kúni Almaty áýejaiynda Qytaidyń eki otbasy shekaradan óter sátte ustaldy. Olardyń janynda Qazaqstanda sýrrogat ana arqyly dúniege kelgen birneshe sábi bolǵan, dep habarlaidy Ult.kz Todayinfo.kz-ke silteme jasap.
Jolaýshylardan balalarǵa qatysty qujattar tabylǵanymen, shekaradan ótkizýge ruqsat berilmedi. Arnaiy tekseristen keiin sheteldikter quqyq qorǵaý organdaryna tapsyryldy.
Almaty politsiiasy bul derekti rastady. Qazir QR QK 135-baby 1-bóligi boiynsha («Kámeletke tolmaǵandardy saýdalaý») qylmystyq is qozǵaldy. Tergeý júrgizilýde.
Tergeý barysynda sábilerdi shetelge shyǵarýdyń zańdylyǵy, sýrrogattyq analyq protsesiniń qanshalyqty zańdy ótkendigi anyqtalatyn bolady.
