Foto: videodan skrinshot
Qytaidyń áleýmettik jelileri men jańalyq saittarynda qazaqstandyq instabloger Arýjan Aibekovanyń áreketi qyzý talqylanyp jatyr. Qytailyqtar blogerdiń qylyǵy úshin jaýapqa tartylýyn talap etýde, dep habarlaidy Ult.kz.
Qytai basylymdarynyń jazýynsha, Arýjan Aibekova «Qytaida urlyq joq» degen pikirge senbei, saýda ortalyqtarynda prank uiymdastyrǵan. Ol seriktesimen kelisip, onyń qaltasynan telefondy alyp, qytai azamattarynyń qolyna kúshtep ustatyp, artynsha «telefonymdy urlady» dep aiqailaǵan.
Sondai-aq, bloger Gýanchjoý kóshelerinde jáne metro stantsiialarynda beitanys er adamdardyń qoly men aiaǵyna tiip, túrli fizikalyq áreketter jasap, olardy videoǵa túsirgen. Bul áreketteri Qytaida qoǵamdyq tártipti buzý jáne jeke bas quqyqtaryn buzý retinde baǵalanyp otyr.
Qytai zańyna sáikes, mundai jalǵan aiyptaýlar men ruqsatsyz túsirilgen videolar úshin aiyppul, qamaýǵa alý nemese deportatsiia sekildi jazalar qarastyrylǵan.
Qytaidyń Gýanchjoý qalalyq politsiiasy bul shaǵymdarǵa nazar aýdaryp, zań aiasynda shara qoldanýǵa kirisken. Iýrist Han Dýniandiń aitýynsha, blogerdiń áreketi – «arazdyq týdyrý jáne tártipsizdikke itermeleý» bolyp sanalady.
Jergilikti BAQ bul oqiǵany mádeniettilik pen zańǵa baǵynýdyń mańyzyn eske salatyn jaǵdai retinde atap ótti.
