Qytai biligi 2022 jyly ulttyq qorǵanys shyǵyndaryn 7,1%-ǵa – 1,451 trillion iýanǵa (229 milliard dollar) deiin arttyrýdy josparlap otyr, dep habarlaidy QazAqparat.
«Qytaida ulttyq qorǵanys shyǵyndary 7,1%-ǵa ósip, 1,451 trillion iýanǵa (229 milliard dollar) jetedi. Onyń ishinde qoǵamdyq qaýipsizdikti qamtamasyz etý shyǵyndary 4,7%-ǵa ósip, 194,993 milliard iýanǵa (shamamen 30,8 milliard dollar) shyǵady», - delingen Qytai Úkimetiniń baiandamasynda.
Aita ketsek, 2021 jyly Qytaidyń qorǵanysqa bólingen qarajaty 6,8%-ǵa ósip, 1,356 trillion iýandy (200 milliard dollardan asady) quraǵan bolatyn.
