قىتاي بيلٸگٸ 2022 جىلى ۇلتتىق قورعانىس شىعىندارىن 7,1%-عا – 1,451 تريلليون يۋانعا (229 ميلليارد دوللار) دەيٸن ارتتىرۋدى جوسپارلاپ وتىر, دەپ حابارلايدى قازاقپارات.
«قىتايدا ۇلتتىق قورعانىس شىعىندارى 7,1%-عا ٶسٸپ, 1,451 تريلليون يۋانعا (229 ميلليارد دوللار) جەتەدٸ. ونىڭ ٸشٸندە قوعامدىق قاۋٸپسٸزدٸكتٸ قامتاماسىز ەتۋ شىعىندارى 4,7%-عا ٶسٸپ, 194,993 ميلليارد يۋانعا (شامامەن 30,8 ميلليارد دوللار) شىعادى», - دەلٸنگەن قىتاي ٷكٸمەتٸنٸڭ بايانداماسىندا.
ايتا كەتسەك, 2021 جىلى قىتايدىڭ قورعانىسقا بٶلٸنگەن قاراجاتى 6,8%-عا ٶسٸپ, 1,356 تريلليون يۋاندى (200 ميلليارد دوللاردان اسادى) قۇراعان بولاتىن.
