Qazirgidei qysyltaiań kezde jumysshyny qysqartpai, bir-birimizge qolushyn soza bilýimiz kerek. Bul týraly batysqazaqstandyq kásipker, «Stroikombinat» JShS direktory Baqytjan Nurbaev málim etti, dep habarlaidy QazAqparat.
Onyń aitýynsha, Prezident Qasym-Jomart Toqaevtyń tapsyrmalaryn múltiksiz oryndaýdyń mańyzy zor.
«Memleket basshysynyń osyndai kúrdeli kezeńde jasaǵan málimdemesi kúlli elge demeý bereri sózsiz. Ásirese, indetke bailanysty qiyn jaǵdaiǵa tap bolǵan, áleýmettik jaǵynan tabysy az azamattarǵa, kóp balaly otbasylarǵa qoldaý kórsetý erekshe mańyzdy. Prezident tapsyrmasyna sáikes otandyq biznes salasy da umyt qalyp otyrǵan joq. Endeshe, buǵan biz de ispen jaýap berip, óz úlesimizdi qosýǵa tiistimiz», deidi kásipker.
Onyń sózine qaraǵanda, ózi basshylyq etetin kásiporynda 240 adam eńbek etedi.
«Biz, túptep kelgende, ár jumysshy úshin, olardyń densaýlyǵy úshin jaýaptymyz. Buǵan deiin de eshkimdi qysqartqan joqpyz. Jalaqy ýaqtyly berilýde. Tapsyrystar bar, soǵan sáikes eńbek etýdemiz. Biz óndiretin keramzit syndy qurylys materialdary ózge óńirlerge, sonyń ishinde elordamyzǵa jóneltiledi. Elimizde koronavirýsqa bailanysty tótenshe jaǵdai jariialanǵannan beri qaýipsizdik sharalaryna barynsha kóńil bólýdemiz. Tsehtar dezinfekiialanyp, jumysshylar jeke qorǵanysh quraldarymen qamtamasyz etildi. Óz eńbekkerlerimizben qatar qalaǵa da kómek berýdemiz. Mysaly, áielder úilerinde otyryp, maska tigip jatyr eken. Solarǵa material kerek degen soń, qarjylai járdem berdim. Biz bir bolsaq qana qai indet pen keseldi de jeńemiz», - dedi kásipker ári Oral qalalyq qoǵamdyq keńesiniń tóraǵasy Baqytjan Nurbaev.
.jpeg)