قازٸرگٸدەي قىسىلتاياڭ كەزدە جۇمىسشىنى قىسقارتپاي, بٸر-بٸرٸمٸزگە قولۇشىن سوزا بٸلۋٸمٸز كەرەك. بۇل تۋرالى باتىسقازاقستاندىق كەسٸپكەر, «سترويكومبينات» جشس ديرەكتورى باقىتجان نۇرباەۆ مەلٸم ەتتٸ, دەپ حابارلايدى قازاقپارات.
ونىڭ ايتۋىنشا, پرەزيدەنت قاسىم-جومارت توقاەۆتىڭ تاپسىرمالارىن مٷلتٸكسٸز ورىنداۋدىڭ ماڭىزى زور.
«مەملەكەت باسشىسىنىڭ وسىنداي كٷردەلٸ كەزەڭدە جاساعان مەلٸمدەمەسٸ كٷللٸ ەلگە دەمەۋ بەرەرٸ سٶزسٸز. ەسٸرەسە, ٸندەتكە بايلانىستى قيىن جاعدايعا تاپ بولعان, ەلەۋمەتتٸك جاعىنان تابىسى از ازاماتتارعا, كٶپ بالالى وتباسىلارعا قولداۋ كٶرسەتۋ ەرەكشە ماڭىزدى. پرەزيدەنت تاپسىرماسىنا سەيكەس وتاندىق بيزنەس سالاسى دا ۇمىت قالىپ وتىرعان جوق. ەندەشە, بۇعان بٸز دە ٸسپەن جاۋاپ بەرٸپ, ٶز ٷلەسٸمٸزدٸ قوسۋعا تيٸستٸمٸز», دەيدٸ كەسٸپكەر.
ونىڭ سٶزٸنە قاراعاندا, ٶزٸ باسشىلىق ەتەتٸن كەسٸپورىندا 240 ادام ەڭبەك ەتەدٸ.
«بٸز, تٷپتەپ كەلگەندە, ەر جۇمىسشى ٷشٸن, ولاردىڭ دەنساۋلىعى ٷشٸن جاۋاپتىمىز. بۇعان دەيٸن دە ەشكٸمدٸ قىسقارتقان جوقپىز. جالاقى ۋاقتىلى بەرٸلۋدە. تاپسىرىستار بار, سوعان سەيكەس ەڭبەك ەتۋدەمٸز. بٸز ٶندٸرەتٸن كەرامزيت سىندى قۇرىلىس ماتەريالدارى ٶزگە ٶڭٸرلەرگە, سونىڭ ٸشٸندە ەلوردامىزعا جٶنەلتٸلەدٸ. ەلٸمٸزدە كوروناۆيرۋسقا بايلانىستى تٶتەنشە جاعداي جارييالانعاننان بەرٸ قاۋٸپسٸزدٸك شارالارىنا بارىنشا كٶڭٸل بٶلۋدەمٸز. تسەحتار دەزينفەكييالانىپ, جۇمىسشىلار جەكە قورعانىش قۇرالدارىمەن قامتاماسىز ەتٸلدٸ. ٶز ەڭبەككەرلەرٸمٸزبەن قاتار قالاعا دا كٶمەك بەرۋدەمٸز. مىسالى, ەيەلدەر ٷيلەرٸندە وتىرىپ, ماسكا تٸگٸپ جاتىر ەكەن. سولارعا ماتەريال كەرەك دەگەن سوڭ, قارجىلاي جەردەم بەردٸم. بٸز بٸر بولساق قانا قاي ٸندەت پەن كەسەلدٸ دە جەڭەمٸز», - دەدٸ كەسٸپكەر ەرٸ ورال قالالىق قوعامدىق كەڭەسٸنٸڭ تٶراعاسى باقىتجان نۇرباەۆ.
.jpeg)