Qyzylorda qalasynda alty jastaǵy bala iz-túzsiz joǵaldy, dep habarlaidy "Ult aqparat".
Bala oblys ortalyǵyndaǵy Titov qystaǵynan 27 sáýir kúni, saǵat 10.00 shamasynda úiinen belgisiz baǵytqa shyǵyp ketip, qaita oralmaǵan. Onyń joǵalǵany jóninde aryz saǵat 19.35-te tústi.
Izdestirý jumystaryna oblystyń Politsiia departamenti, Qyzylorda qalalyq politsiia basqarmasynyń jeke quramy, Tótenshe jaǵdailar departamenti, eriktiler jáne jergilikti turǵyndar jumyldyryldy.
«Politsiia qyzmetkerleriniń kúshimen qalanyń kópqabatty úileriniń shatyrlary, ójireleri jáne aýladaǵy liýktary, saiajailardaǵy tastandy úiler, qurylysy bitpegen ǵimarattar, jertóleler, Syrdariia ózeniniń jaǵalaýy tekserilýde.
Izdeý jumystary Politsiia departamenti bastyǵynyń qatań baqylaýynda.
Joǵalǵan jasóspirim týraly qandai da bir aqparat anyqtalǵan jaǵdaida Qyzylorda oblysy Politsiia departamentine, Qyzylorda qalalyq politsiia basqarmasyna shuǵyl túrde habarlasýdy suraimyz. Bailanys nómirleri: 8 (7242) 29-70-10, 29-75-20, 29-75-07 jáne 102 arnasy», - dep málim etti Qyzylorda qalalyq politsiia basqarmasynan.
