Qytai astanasy Beijiń qalasynda 2022 jylǵy XIII qysqy Paralimpiada oiyndary saltanatty túrde ashyldy, dep habarlaidy QazAqparat.
Saltanatty sporttyq shara «Qus uiasy» dep atalatyn ulttyq stadionynda ótkizildi.
Saltanatty sharada elimizdiń týyn para shańǵyshy Erbol Hamitov ustap shyqty.
Aitýly alamanda Qazaqstan atynan Erbol Hamitov, Aleksandr Gerlits, Denis Petrenko, Iýrii Berezin jáne Sergei Ýsoltsev para shańǵy jáne para biatlon sport túrlerinen el namysyn qorǵaidy.
Sportshylar sporttyń shańǵy jarysynan, biatlonnan, taý shańǵysy sportynan, sledj-hokkeiden, arbadaǵy kerlingten jáne snoýbord sekildi sporttyń alty túrinen 78 júldeni sarapqa salady.
Qazaqstan sportshylary Paralimpiada oiyndaryna 1994 jyldan beri turaqty túrde qatysyp keledi.
Búgingi kúnge deiin el qorjynyna 1 altyn, 1 kúmis medal tústi. 1994 jyly 10 shaqyrymǵa klassikalyq mánerde shańǵy jarysynda qazaqstandyq Liýbov Vorobeva kúmis alsa. 2018 jyly shańǵymen jarysta Aleksandr Koliadin 1,5 shaqyrymǵa klassikalyq mánerde sprint jarysynda chempion atandy.
Qysqy Paralimpiada oiyndary 13 naýryzǵa deiin bolady.
