QR Mádeniet jáne sport vitse-ministri Serik Jarasbaev Beijińde ótetin Qysqy Olimpiadaǵa sportshylardyń daiyndyǵy týraly aityp berdi, dep habarlaidy QazAqparat.
«Olimpiadaǵa daiyndalý úshin Úkimet tarapynan bar jaǵdai jasalǵan. Mádeniet jáne sport ministrligi UOK birigip, birneshe ret úlken jinalystar ótkizilip, Olimpiadaǵa baratyn komandalardyń daiyndyǵyn naqty baqylaýda ustap tur. Atap aitsaq, Qazaqstannan 34 sportshy 8 sport túrinen 87 litsenziia alǵan bolatyn. Oblystarǵa bólsek, eń kóp sportshy Shyǵys Qazaqstan oblysynan (9) jáne Almaty qalasynan (8), qalǵandary basqa óńirlerden 3,4,1 sportshydan kózdelip otyr. Fristail, mogýldardan barlyq sportshylar – Shyǵys Qazaqstan ókilderi, ózderińizge belgili, olar – bizdiń eń basty úmitterimiz», - dedi Jarasbaev Ortalyq kommýnikatsiialar qyzmetinde ótken baspasóz máslihatynda.
Aita keteiik, XXIV qysqy Olimpiada oiyndary Qytaidyń Beijiń qalasynda, 2022 jyldyń 4 men 20 aqpan aralyǵynda ótedi. Onda jalpy sany 109 medal sarapqa salynady. Jarystar Beijiń qalasynan bólek qasyndaǵy Iantsin jáne Chjiantsziakoý qalalarynda da bolady.
