«Qazaqstan Ulttyq Olimpiada komitetiniń Bas hatshysy Andrei Kriýkov aqpan aiynda ótetin XXIV Qysqy Olimpiada oiyndaryna qansha litsenziia berilgenin aityp berdi, dep habarlaidy QazAqparat.
«Olimpiada oiyndary 4 aqpan kúni bastalady. Aldyn ala málimetter boiynsha, bul oiyndarǵa álemniń 95 elinen 4 myńnan astam sportshy qatysady. Onda 109 medal jiyntyǵy sarapqa salynady. Beijińdegi olimpiadalyq komanda quramynda 34 sportshymyz óner kórsetedi. Bul kórsetkish aldyńǵy olimpiadalarǵa qaraǵanda az. Al sport túrlerine kelsek, aitarlyqtai ózgeris joq – 87 litsenziiamyz bar. Osy aptada basqa sport túrleri boiynsha naqtylanady. Litsenziialardyń basym bóligin shańǵyshylar (35), konkimen júgirýshiler (12) jáne biatlonshylar (12) jeńip aldy», - dedi Andrei Kriýkov Ortalyq kommýnikatsiialar qyzmetinde ótken baspasóz máslihatynda.
Short-trek boiynsha – 9, fristail-akrobatikadan – 4, fristail-mogýldan – 6, tramplinnen shańǵymen sekirýden – 4, taý shańǵysy sportynan – 3 jáne shańǵy úshsaiysy boiynsha – 3 litsenziia bar.
Andrei Kriýkov qazir sportshylardyń karantinge oqshaýlanyp, daiyndyqtyń sońǵy kezeńinen ótip jatqanyn eske saldy: olardyń eki toby – Qazaqstanda jáne úsheýi – shetelde ornalasqan.
