Qyrǵyz Respýblikasynyń Qazaqstan Respýblikasyndaǵy Tótenshe jáne Ókiletti Elshisi laýazymyna Jeenbek Kýlýbaev taǵaiyndaldy, dep habarlaidy QazAqparat Qyrǵyzstan prezidenti apparatynyń aqparattyq saiasat bólimine silteme jasap.
Qyrǵyzstan prezidenti Sooronbai Jeenbekov osyndai jarlyqqa qol qoiǵan.
Sońǵy ýaqytta Kýlýbaev Qyrǵyz Respýblikasy Syrtqy ister ministrliginde Aziia jáne Afrika departamentiniń direktory laýazymyn atqaryp kelgen.
Ol 1963 jylǵy 5 sáýirde Ystyqkól oblysynyń Chyrpykty aýylynda týǵan. Máskeý áskeri institýtyn, QHR SIM Diplomatiialyq institýtyn (shyǵystanýshy) bitirgen.
Qyrǵyz, orys, aǵylshyn jáne qytai tilderin biledi.
Aita keteiik, 2016 jyldan beri Qyrǵyzstannyń Qazaqstanda elshisi bolǵan joq. Kórshi respýblikanyń múddelerimen Qyrǵyz Respýblikasynyń Qazaqstandaǵy isteriniń ýaqytsha senimdi ókili Kainarbek Toktomýshev ainalysyp kelgen bolatyn.
