Túngi saǵat 03:00-degi jaǵdai boiynsha, Bishkek qalasy men Shý oblystyq birikken aýrýhanalaryna túrli jaraqatpen 45 adam tústi, dep habarlaidy QazAqparat Kabar agenttigine silteme jasap.
Eldiń Densaýlyq saqtaý ministrliginen málim etkendei, zardap shekkenderdiń arasynda Shý oblystyq Ishki ister bas basqarmasynyń basshysy Samat Qurmanqulov bar. Oǵan «bassúiek-miynyń jabyq jaraqaty, midyń shaiqalýy, sondai-aq aýyr dárejedegi midyń qatty soǵylýy» diagnozdary qoiylyp otyr. Ota jasaldy (bas súiekti trepanatsiialaý). Dárigerler onyń operatsiiada
Ózge zardap shekkenderdiń arasynda 22 adamǵa «jabyq bassúiek-miynyń jaraqaty, bas miynyń shaiqalýy» diagnozdary qoiylǵan, 13 adamǵa rezeńke oq tigen, 2-ýiniń denesiniń ár jerine zaqym tigen, 4 adamǵa oq tigen, taǵy 4-eýi denesine soqqy alǵan.
Olardyń ishinen 1 zardap shegýshi ambýlatorlyq emdelýge jiberildi, jaraqat alǵan arnaiy jasaqtyń 1 sarbazy keýde qýysyna tigen oqtan ota kezinde kóz jumdy. Qazirgi tańda 43 adam statsionarlyq em qabyldaýda.
Qyrǵyz Respýblikasy IIM baspasóz qyzmetinen málim etkendei, militsiia halyqpen soqtyǵysyp qalmaý úshin Qoi-Tash aýylynan ketip qalǵan. Dál qazir militsiia shtattyq rejimde jumys jasap, qoǵamdyq tártiptiń saqtalýyn jáne azamattardyń qaýipsizdigin qamtamasyz etip otyr.
Málim etilgendei, quqyqqorǵaý organdary tarapynan azamattarǵa qatysty atys qarýy qoldanylǵan joq. Qarý A.Atambaevtyń úii tarapynan atylǵan.
Qyrǵyz Respýblikasy Jogorký Keneshiniń baspasóz hatshysy Ibraim Nurakýnulynyń málimetinshe, Qyrǵyzstan Parlamenti kezekten tys otyrys ótkizedi. Ol eldiń burynǵy prezidenti Almazbek Atambaevty ustaý boiynsha arnaiy operatsiiaǵa bailanysty Jogorký Keneshtiń kezekten tys otyrysyn ótkizý jóninde parlament spikeri Dastanbek Jumabekovpen sóileskenin atap ótti.
Eske salaiyq, keshe A.Atambaevtyń Qoi-Tash aýylyndaǵy úide atys bolyp, Shý oblystyq IIBB-niń jedel tergeý toby militsiiaǵa túsken qońyraý boiynsha oqiǵa ornyna attandy.
Aita ketsek, buǵan deiin Jogorký Kenesh eldiń eks-prezidentinen qol suqpaýshylyq mártebesin alyp tastaý týraly sheshim qabyldaǵan bolatyn. Atambaevqa qatysty depýtattar tarapynan taǵylǵan aiyptardy zertteý boiynsha arnaiy depýtattyq komissiia quryldy. Komissiia jumysynyń nátijesinde oǵan 6 epizod boiynsha aiyp taǵý sheshimi qabyldandy. Alaida Bas prokýratýra komissiianyń jumysyn zań turǵysynan baǵalai kele, tek bes epizodty qaldyrdy.
Arnaiy operatsiia barysynda oqiǵa ornyna Shý oblysynan jedel-járdemniń - 5, Bishkektiń 3 brigadasy attandy.
