Qazaqstan Qyrǵyzstannan sút, et jáne konditer ónimderin kirgizýdi toqtatty. Muny búgin Astanada Qazaqstan Densaýlyq saqtaý ministrligi Qoǵamdyq densaýlyqty qorǵaý komitetiniń tóraǵasy Jandarbek Bekshin málimdedi, dep habarlaidy Baq.kz aqparat agenttigi.
Bekshinniń aitýyna qaraǵanda, kórshi elden Qazaqstanǵa talapqa sáikes kelmeitin taýarlar kirgizý kóbeigen.
«Tek qazan aiynda talapqa sáikes emes qyrǵyz azyq-túlik ónimderi úlesi - 23,4%, jeńil ónerkásip taýarlary úlesi 44%-ǵa jetken. Bul úshtiń jáne ekiniń biri degen sóz. Sapa jáne qaýipsizdikti baqylaý úshin shekara beketterinde qyrǵyz ónimderin kirgizýge baqylaý kúsheitildi. Men «Ak-Sút», «RIHA», «Kýlikov konditerlik úii» siiaqty Qyrǵyz Respýblikasyndaǵy kásiporyndardyń sút, et jáne konditer ónimderin kirgizýdi jáne satýdy toqtatý týraly ókim shyǵardym» dedi Qazaqstannyń bas sanitarlyq dárigeri Jandarbek Bekshin.
