Qyrǵyzstannan kelgen kontrafaktiniń iri partiiasy shekarada áshkere boldy. Bul týraly Qarjy ministrliginiń Memlekettik kirister komitetinde málimdedi, - dep habarlaidy Tengrinews.kz tilshisi.
Salyqtyq tekserýler aiasynda resmi qujattarda kórsetilmegen qymbat jáne salyqty kóp qajet etetin taýarlar anyqtalyp jatyr. Onyń ishinde ziiatkerlik menshik obektileri de bar.
"11 naýryzda taqyryptyq salyqtyq tekserý júrgizý barysynda Qyrǵyzstannan kele jatqan júk kóliginde 2 715 birlik brend taýarlar anyqtaldy. Atalǵan taýarlardyń ishinen Dior sómkeleri, Gucci kórtkeleri, Nike krossovkalary jáne basqa da qymbat kiimder tabyldy", - delingen habarlamada.
Atalǵan fakti boiynsha materialdar qylmystyq is qozǵaý úshin Jambyl oblysy boiynsha Ekonomikalyq tergeý departamentine joldandy.
"Jyl basynan beri memlekettik kirister organdary Jambyl oblysy boiynsha Ekonomikalyq tergeý departamentine taýar belgilerin zańsyz paidalaný faktileri boiynsha 6 material jiberdi, onyń ishinde 2 material boiynsha qylmystyq is qozǵaldy, zalal 21,7 million teńge boldy", - dep tolyqtyrdy vedomstvo ókilderi.
