Energetika ministri Nurlan Noǵaev Qyrǵyz Respýblikasyna Qazaqstannan munai jetkizý týraly kelisim qashan ratifikatsiialanatynyn aitty, dep habarlaidy QazAqparat.
«Qyrǵyzstanǵa munai jáne munai ónimderin jetkizý týraly kelisimniń jobasy Qazaqstan tarapynan tolyq pysyqtaldy. Ony biz Qyrǵyz Respýblikasyndaǵy áriptesterimizge joldaǵan bolatynbyz. Búgingi tańda ol Qyrǵyz Úkimetiniń qaraýynda jatyr», - dedi ol ortalyq kommýnikaiialar qyzmetindegi brifingide.
Ministrdiń aitýyna qaraǵanda, qujattyń mátinin kórshi eldiń Úkimeti áli maquldamaǵan.
«Búgingi shema mynadai. Qyrǵyz Úkimeti kelisimniń mátinin maquldaýy kerek. Eki eldiń Úkimetteri kelisim jobasyna qol qoiǵannan keiin baryp qujat ratifikatsiialanady. Onyń qashan iske asatyny Qyrǵyz tarapyna bailanysty. Olar qashan jobaǵa qol qoiady, ratifikatsiialaý sol kezde bastalady», - dedi Nurlan Noǵaev.
