Qyrǵyz mýzykanty Vikram Rýzahýnov tergeý amaldary úshin Almatyǵa shaqyryldy. Bul týraly mýzykant óziniń áleýmettik paraqshasynda jariialady, - dep habarlaidy Sputnik Qazaqstan.
Jazbasyna ol Qazaqstannyń antikorrýptsiialyq qyzmetiniń hatyn tirkedi.
Rýzahýnov bastapqyda tergeýge kelýden bas tartqanyn aitty, óitkeni sol kezde bastan keshken qorqynysh pen soqqy áli esten ketken joq, dedi ol.
"Meniń advokatym Nurbek Toktakýnov antikorrýptsiialyq qyzmet tergeýshilerine ózderine osynda kelýge usyndy. Telefon arqyly olar meni ustaǵan jerdi, ákelgen mekemeni, meni soqqyǵa jyqqan kamerany ózim kórsetýim mańyzdy ekenin aitty", - dep jazdy mýzykant.
Aitýynsha, ony kelýge kóndirdi. Mýzykant advokatymen birge keledi.
Sonymen qatar ol antikorrýptsiialyq qyzmetten óziniń qaýipsizdigi týraly kepildik berýdi suraǵynyn atap ótti.
Esterińizge sala keteiik, Almatyda jappai tártipsizdikter kezinde ustalǵan qyrǵyz mýzykanty Vikram Rýzahýnov quqyq qorǵaýshylardyń kúsh qoldanǵanyn málimdegen bolatyn.
Rýzahýnov jaýap alý kezinde tanymal mýzykant ekenin aitqan. Biraq tártip saqshylary ol aqparatty teksermegen.
"Jaýap alý kezinde tanymal mýzykant ekenimdi qaita-qaita aittym, al azaptaý kezinde aiqailap turyp, atymdy internet arqyly tekserýdi ótindim. Biraq Qazaqstannyń quqyq qorǵaý organdaryndaǵy birde-bir adam kim ekenimdi teksergen joq. Meni kelemejdedi", - dep jazdy Rýzahýnov Instagram paraqshasynda.
