Sotsial-demokratiialyq partiianyń atynan shyqqan Sooronbai Jeenbekov Qyrǵyzstandaǵy prezident sailaýynda 54,75 paiyz daýys jinap, jeńiske jetti, - dep habarlaidy "Ult aqparat".
Jeenbekovtiń shtabyndaǵylar jeńisti toilap jatyr. Qyrǵyz Respýblikasynyń Ortalyq sailaý komitetiniń málimetinshe, biýlletenderdiń 97 paiyzy daýystardy avtomat esepteý júiesi arqyly eseptelgen.
Ekinshi oryndaǵy taǵy bir burynǵy premer, kásipker, ońshyl-tsentrist Ómirbek Babanov 504 myńnan (35.62%) asa daýys jinaǵan.
98 myńnan (6.54%) astam daýys jinaǵan oppozitsiialyq saiasatker Adahan Madýmarov úshinshi kele jatyr. Al, saiasatker Temir Sarievtiń enshisinde 37 myńdai daýys bar (2.5%).
Esterińizge sala keteiik, Madýmarovtan basqa úsh kandidat kezinde premer-ministr qyzmetin atqarǵan. Sailaýshylardyń 0,67 paiyzy barlyq kandidattarǵa qarsy daýys bergen. Al, prezident sailaýyna jalpy sany 11 kandidat qatystyryldy.
Naqty aqparatty OSK 20 kúnniń ishinde tolyq jariialaýy tiis. OSK basshysy Nurjan Shaildabekova bul kórsetkishtiń ózgerýi múmkin ekenin aitty. Ol prezident sailaýynyń ekinshi týry bolatyn-bolmaitynyn naqty aita alǵan joq.
Qyrǵyzstannyń zańy boiynsha prezident sailaýynyń alǵashqy týrynda sailaýshylardyń jartysynan astamynyń daýysyn alǵan kandidat birden jeńimpaz dep jariialanady.
Eske sala keteiik, osyǵan deiin 12 qazannan bastap Bishkektegi ishki ister organdarynyń barlyq quramynyń kúsheitilgen rejimge ótkeni habarlanǵan bolatyn.
