سوتسيال-دەموكراتييالىق پارتييانىڭ اتىنان شىققان سوورونباي جەەنبەكوۆ قىرعىزستانداعى پرەزيدەنت سايلاۋىندا 54,75 پايىز داۋىس جيناپ, جەڭٸسكە جەتتٸ, - دەپ حابارلايدى "ۇلت اقپارات".
جەەنبەكوۆتٸڭ شتابىنداعىلار جەڭٸستٸ تويلاپ جاتىر. قىرعىز رەسپۋبليكاسىنىڭ ورتالىق سايلاۋ كوميتەتٸنٸڭ مەلٸمەتٸنشە, بيۋللەتەندەردٸڭ 97 پايىزى داۋىستاردى اۆتومات ەسەپتەۋ جٷيەسٸ ارقىلى ەسەپتەلگەن.
ەكٸنشٸ ورىنداعى تاعى بٸر بۇرىنعى پرەمەر, كەسٸپكەر, وڭشىل-تسەنتريست ٶمٸربەك بابانوۆ 504 مىڭنان (35.62%) اسا داۋىس جيناعان.
98 مىڭنان (6.54%) استام داۋىس جيناعان وپپوزيتسييالىق ساياساتكەر اداحان مادۋماروۆ ٷشٸنشٸ كەلە جاتىر. ال, ساياساتكەر تەمٸر ساريەۆتٸڭ ەنشٸسٸندە 37 مىڭداي داۋىس بار (2.5%).
ەستەرٸڭٸزگە سالا كەتەيٸك, مادۋماروۆتان باسقا ٷش كانديدات كەزٸندە پرەمەر-مينيستر قىزمەتٸن اتقارعان. سايلاۋشىلاردىڭ 0,67 پايىزى بارلىق كانديداتتارعا قارسى داۋىس بەرگەن. ال, پرەزيدەنت سايلاۋىنا جالپى سانى 11 كانديدات قاتىستىرىلدى.
ناقتى اقپاراتتى وسك 20 كٷننٸڭ ٸشٸندە تولىق جارييالاۋى تيٸس. وسك باسشىسى نۇرجان شايلدابەكوۆا بۇل كٶرسەتكٸشتٸڭ ٶزگەرۋٸ مٷمكٸن ەكەنٸن ايتتى. ول پرەزيدەنت سايلاۋىنىڭ ەكٸنشٸ تۋرى بولاتىن-بولمايتىنىن ناقتى ايتا العان جوق.
قىرعىزستاننىڭ زاڭى بويىنشا پرەزيدەنت سايلاۋىنىڭ العاشقى تۋرىندا سايلاۋشىلاردىڭ جارتىسىنان استامىنىڭ داۋىسىن العان كانديدات بٸردەن جەڭٸمپاز دەپ جارييالانادى.
ەسكە سالا كەتەيٸك, وسىعان دەيٸن 12 قازاننان باستاپ بٸشكەكتەگٸ ٸشكٸ ٸستەر ورگاندارىنىڭ بارلىق قۇرامىنىڭ كٷشەيتٸلگەن رەجيمگە ٶتكەنٸ حابارلانعان بولاتىن.
