Bishkekte 13-14 qarashada Qyrǵyz Respýblikasyndaǵy Qazaqstan meditsinasynyń kúnderi ótti. Bul is-shara Qazaqstan jáne Qyrǵyzstannyń meditsinalyq uiymdarynyń arasyndaǵy seriktestik pen ózara qarym-qatynasty nyǵaitýǵa baǵyttalǵan.
Qazaqstandyq delegatsiianyń quramynda QR Densaýlyq saqtaý ministrliginiń, jetekshi meditsinalyq ortalyqtardyń, memlekettik jáne jeke densaýlyq saqtaý uiymdarynyń, JOO-lardyń, farmatsevtikalyq ónimderdi óndirýshilerdiń, meditsinalyq qoǵamdardyń jetekshi mamandary bar. Delegatsiia basshysy — QR Densaýlyq saqtaý ministri Eljan Birtanov.
A.N.Syzǵanov atyndaǵy Ulttyq ǵylymi hirýrgiia ortalyǵyn basqarma tóraǵasynyń mindetin atqarýshy Baimahanov Bolatbek Bimendeuly tanystyrdy.
Bolatbek Beimendeuly joǵary deńgeidegi osy sessiiada «Qazaqstan Respýblikasyndaǵy organdyq transplantatsiia» taqyrybynda baiandama jasady. Sondai-aq, A.N.Syzǵanov atyndaǵy Ulttyq ǵylymi hirýrgiia ortalyǵy Qyrǵyz Respýblikasy Densaýlyq saqtaý ministrliginiń Ulttyq hirýrgiia ortalyǵymen, Qyrǵyzstan gepatologtar qaýymdastyǵymen, Qyrǵyz Respýblikasynyń Ana men balany qorǵaý ulttyq ortalyǵymen seriktestik týraly memorandýmǵa qol qoidy. Osy eki jaqty seriktestik pen yntymaqtastyq týraly memorandým Qazaqstan men Qyrǵyzstan arasyndaǵy áriptestiktiń damýyna, sonymen qatar meditsinalyq uiymdardyń intellektýaldyq jáne innovatsiialyq resýrstarynyń artýyna yqpal etedi.
Atalmysh is-sharanyń ekinshi kúni «Gepatologiianyń ózekti máseleleri» taqyrybynda sheberlik sabaqtary ótkizildi. A.N. Syzǵanov atyndaǵy Ulttyq ǵylymi hirýrgiia ortalyǵynyń professory Iliiasova Bibigúl Saparbekqyzy mynadai taqyryptarda baiandama usyndy:
- Qazaqstandaǵy V virýstyq gepatitiniń jáne delta-agenti bar V virýstyq gepatitiniń kúsheiý faktorlary.
- Transplantatsiialyq gepatologiianyń máseleleri. Negizgi nátijeler.
- Qyrǵyzstandaǵy gepatologiianyń ózekti máseleleri.
Sondai-aq A.N. Syzǵanov atyndaǵy UǴHO-nyń mamandary baýyr aýrýlaryna shaldyqqan naýqastarǵa tegin konsýltatsiialar uiymdastyrdy. Keibir klinikalyq jaǵdailar qarastyryldy.
