بٸشكەكتە 13-14 قاراشادا قىرعىز رەسپۋبليكاسىنداعى قازاقستان مەديتسيناسىنىڭ كٷندەرٸ ٶتتٸ. بۇل ٸس-شارا قازاقستان جەنە قىرعىزستاننىڭ مەديتسينالىق ۇيىمدارىنىڭ اراسىنداعى سەرٸكتەستٸك پەن ٶزارا قارىم-قاتىناستى نىعايتۋعا باعىتتالعان.
قازاقستاندىق دەلەگاتسييانىڭ قۇرامىندا قر دەنساۋلىق ساقتاۋ مينيسترلٸگٸنٸڭ, جەتەكشٸ مەديتسينالىق ورتالىقتاردىڭ, مەملەكەتتٸك جەنە جەكە دەنساۋلىق ساقتاۋ ۇيىمدارىنىڭ, جوو-لاردىڭ, فارماتسەۆتيكالىق ٶنٸمدەردٸ ٶندٸرۋشٸلەردٸڭ, مەديتسينالىق قوعامداردىڭ جەتەكشٸ ماماندارى بار. دەلەگاتسييا باسشىسى — قر دەنساۋلىق ساقتاۋ مينيسترٸ ەلجان بٸرتانوۆ.
ا.ن.سىزعانوۆ اتىنداعى ۇلتتىق عىلىمي حيرۋرگييا ورتالىعىن باسقارما تٶراعاسىنىڭ مٸندەتٸن اتقارۋشى بايماحانوۆ بولاتبەك بيمەندەۇلى تانىستىردى.
بولاتبەك بەيمەندەۇلى جوعارى دەڭگەيدەگٸ وسى سەسسييادا «قازاقستان رەسپۋبليكاسىنداعى ورگاندىق ترانسپلانتاتسييا» تاقىرىبىندا بايانداما جاسادى. سونداي-اق, ا.ن.سىزعانوۆ اتىنداعى ۇلتتىق عىلىمي حيرۋرگييا ورتالىعى قىرعىز رەسپۋبليكاسى دەنساۋلىق ساقتاۋ مينيسترلٸگٸنٸڭ ۇلتتىق حيرۋرگييا ورتالىعىمەن, قىرعىزستان گەپاتولوگتار قاۋىمداستىعىمەن, قىرعىز رەسپۋبليكاسىنىڭ انا مەن بالانى قورعاۋ ۇلتتىق ورتالىعىمەن سەرٸكتەستٸك تۋرالى مەموراندۋمعا قول قويدى. وسى ەكٸ جاقتى سەرٸكتەستٸك پەن ىنتىماقتاستىق تۋرالى مەموراندۋم قازاقستان مەن قىرعىزستان اراسىنداعى ەرٸپتەستٸكتٸڭ دامۋىنا, سونىمەن قاتار مەديتسينالىق ۇيىمداردىڭ ينتەللەكتۋالدىق جەنە يننوۆاتسييالىق رەسۋرستارىنىڭ ارتۋىنا ىقپال ەتەدٸ.
اتالمىش ٸس-شارانىڭ ەكٸنشٸ كٷنٸ «گەپاتولوگييانىڭ ٶزەكتٸ مەسەلەلەرٸ» تاقىرىبىندا شەبەرلٸك ساباقتارى ٶتكٸزٸلدٸ. ا.ن. سىزعانوۆ اتىنداعى ۇلتتىق عىلىمي حيرۋرگييا ورتالىعىنىڭ پروفەسسورى ٸليياسوۆا بيبٸگٷل ساپاربەكقىزى مىناداي تاقىرىپتاردا بايانداما ۇسىندى:
- قازاقستانداعى ۆ ۆيرۋستىق گەپاتيتٸنٸڭ جەنە دەلتا-اگەنتٸ بار ۆ ۆيرۋستىق گەپاتيتٸنٸڭ كٷشەيۋ فاكتورلارى.
- ترانسپلانتاتسييالىق گەپاتولوگييانىڭ مەسەلەلەرٸ. نەگٸزگٸ نەتيجەلەر.
- قىرعىزستانداعى گەپاتولوگييانىڭ ٶزەكتٸ مەسەلەلەرٸ.
سونداي-اق ا.ن. سىزعانوۆ اتىنداعى ۇعحو-نىڭ ماماندارى باۋىر اۋرۋلارىنا شالدىققان ناۋقاستارعا تەگٸن كونسۋلتاتسييالار ۇيىمداستىردى. كەيبٸر كلينيكالىق جاعدايلار قاراستىرىلدى.
