Qyrǵyzstannyń Tsifrlyq damý ministrligine qarasty bailanys salasyn retteý jáne qadaǵalaý qyzmeti internet-provaiderlerine TikTok áleýmettik jelisine kirýdi shekteýdi surap hat joldady.
Eske sala keteiik, keshe atalǵan vedomstvoǵa eldiń Ulttyq qaýipsizdik memlekettik komitetinen hat kelgen bolatyn.
Onda TikTok-tyń qyrǵyzstandyq segmentinde, atap aitqanda balalarǵa arnalǵan aqparat keńistiginde «kontent tsenzýrasyna júieli jáne printsipti kózqaras joq» delingen.
Sheneýnikter Balalardyń densaýlyǵyna, olardyń dene, rýhani jáne adamgershilik damýyna ziian keltirýdiń aldyn alý sharalary týraly zańǵa silteme jasap otyr.
«Qyrǵyz Respýblikasy Úkimetiniń 2023 jylǵy 22 qyrkúiektegi № 501 qaýlysymen bekitilgen Radiojiilik belgileý erejesiniń 8-tarmaǵyna sáikes balalardyń densaýlyǵyna, olardyń intellektýaldyq, psihikalyq, rýhani-adamgershilik damýyna ziian keltirýdiń aldyn alý maqsatynda jáne «Bailanys týraly» zańnyń 21-1-babynyń negizinde Ulttyq qaýipsizdik jónindegi memlekettik komiteti Qyrǵyz Respýblikasynyń aýmaǵynda TikTok aqparattyq qyzmetine qoljetimdilikti shekteýdi jáne 2024 jylǵy 18 sáýirge deiin jazbasha jaýap berýdi suraidy», - delingen mátinde.
Aita ketsek, Qyrǵyzstannyń Mádeniet ministrligi TikTok áleýmettik jelisin buǵattaý týraly ótinishti Tsifrlyq damý ministrligine ótken jyldyń tamyz aiynyń sońynda joldady.
Vedomstvonyń atap ótýinshe, birqatar úkimettik emes uiymdar tarapynan balalardyń psihikalyq damýy men densaýlyǵyna keri áser etetin TikTok áleýmettik jelisiniń ziiandy áseri týraly alańdaýshylyq bildirgen ótinishter kóbeidi.
Bul sheshim qoǵamda da, sarapshylar arasynda da rezonans týdyrdy.
Tanymal áleýmettik jelige tyiym salý shaǵyn jáne orta biznes máselelerin ýshyqtyrady, Qyrǵyz Respýblikasyndaǵy sóz bostandyǵy men demokratiiaǵa nuqsan keltiredi, jastardyń ózin-ózi tanytý múmkindikterin azaitady degen pikir tarady.
.jpg)