Qyrǵyzstanda taǵy bir qyz urlandy. Jábirlenýshi 26 jastaǵy Izat Kýrbanova. Onyń týystary militsiiaǵa aryz túsirgen, - dep habarlaidy Sputnik Qyrǵyzstan.
Basylym málimeti boiynsha, qyzdy Bishkek mańyndaǵy Lebedinovka aýylynan saǵat shamamen 23:00-de belgisiz bireýler urlap áketken. Urlaý sáti videoǵa túsip qalǵan. Militsiiaǵa Izattyń ápkesi shamamen 02:00-de aryz túsirgen. Ol belgisiz bireýler Toyota Estima markaly avtokóligine qyzdy májbúrlep otyrǵyzyp, alyp ketkenin aitqan.
IIBB ókilderi sotqa deiingi is júrgizý bastalǵanyn jáne kúdiktiniń jeke basy anyqtalǵanyn aitty. Onyń turǵylyqty jeri anyqtalyp, militsiia qyzmetkerleri jiberilgen.
Sputnik Qyrǵyzstan tilshileri urlanǵan qyzdyń týystarymen bailanysqa shyqqan. Olardyń aitýynsha, qyz áli tabylǵan joq, biraq "kúieý jigittiń týystary" kelgen.
"Onyń qaida ekenin áli bilmeimiz. Biraq jigittiń týystary kelip, qyz "alyp qashý" rásiminen keiin turmysqa shyǵýǵa keliskenin aitty. Ata-anasy kelispedi jáne qyzymen sóilesýdi surap otyr", - deidi týystary.
Militsiia qyzmetkerleri keiinirek tolyq aqparat berýge ýáde berdi. Aita keteiik, Qyrǵyzstanda qyzdy nekege turý maqsatynda urlaý qylmys bolyp sanalady.
Buǵan deiin 5 sáýirde Aizada esimdi qyzdy Bishkekte jumysqa bara jatqan jolda urlap áketkeni habarlanǵan bolatyn. 2 kúnnen keiin qyz ben ony urlaǵan er adamnyń máiiti tabyldy.
Er adam ony kiimimen tunshyqtyryp, keiin óz-ózine qol salǵan. Is boiynsha bes kúdikti ustaldy. Keiin qaitys bolǵanǵa deiin qyzdyń zorlanǵany belgili boldy.
