Qyrǵyzstandaǵy tasjoldyń birinde pirotehnikalyq zattar tielgen kólik apatqa ushyrady. Apat saldarynan bir adam qaza tapty, - dep habarlaidy Tengrinews.kz portaly 24.kg saityna silteme jasap.
Ystyqkól oblysy, Toń aýdany, Bishkek – Naryn – Torýgart tasjolynda adam ólimimen aiaqtalǵan jol apaty boldy. Vedomstvo málimetinshe, otshashý qurylǵylary tielgen Howo markaly aýyr kóliktiń júrgizýshisi tizginge ie bola almai, apatqa ushyraǵan. Júk kóligi órtenip, saldarynan otshashý jarylǵan.
Órtten salonda bolǵan adam qaza tapty. Qyzyl jalyndy sóndirýge eki órt sóndirý brigadasy jumyldyrylǵan.
