Qyrǵyzstan prezidenti Sadyr Japarov «Memlekettik apparat sanyn qysqartý týraly» Jarlyqqa qol qoidy, dep habarlaidy "Ult aqparat" Kabar agenttigine silteme jasap.
«Memlekettik atqarýshy bilik jáne basqarý organdary qurylymyn ońtailandyrý, qosarlaýshy jáne artyq fýnktsiialardy joiý, sondai-aq memlekettik apparatty ustaýǵa qarastyrylǵan biýdjet qarajatyn únemdeý maqsatynda, Qyrǵyzstan Respýblikasy Konstitýtsiiasynyń 71-babyn basshylyqqa ala otyryp, Qyrǵyzstan Respýblikasy Prezidenti ákimshiligi, ministrlikter, memlekettik komitetter, ákimshilik vedomstvolar, atqarýshy biliktiń ózge memlekettik organdary, jergilikti memlekettik ákimshilikter, memlekettik organdardyń shtattyq sanyn 30 paiyzǵa qysqartý qaýly etildi», delingen saitta jariialanǵan aqparatta.
