Qyrǵyzstanda 6 sáýir kúngi saǵat 10:00-degi jaǵdai boiynsha COVID-19 juqtyrǵan taǵy 69 oqiǵa tirkeldi. Bul týraly brifingte búgin eldiń Densaýlyq saqtaý ministri Sabirjan Ábdikárimov málim etti, dep habarlaidy Kabar agenttigi.
Onyń aitýynsha, Qyrǵyzstanda COVID-19 virýsyn juqtyrǵandar sany 216 adamǵa jetken.
«Rastalǵan jańa jaǵdailardyń barlyǵy observatsiiada bolǵandardan tirkeldi. Eldegi epidemiologiialyq jaǵdai órship tur», – dedi ol.
S.Ábdikárimovtiń málimetinshe, 6 sáýirde 10 adam emdelip shyqqan.
«Búgin taǵy 23 adamdy aýrýhanadan shyǵarýdy josparlap otyrmyz. Olardyń testi teris nátije kórsetti», – dep habarlady S.Ábdikárimov.
Sondai-aq ministr keshe Osh oblysynda COVID-19 virýsynan taǵy eki adamnyń kóz jumǵanyn málimdedi.
Elde koronavirýstan qaitys bolǵandardyń jalpy sany - 4.
