Qyrǵyzstanda krematoriiler salynady. Olar tek qalalarda jumys isteidi jáne bul tásildi memlekettik organdar arqyly ǵana qoldanýǵa bolady, dep habarlaidy Qyrǵyzstannyń 24.kg saity.
Qyrǵyzstan parlamentiniń depýtaty Marlen Mamataliev elde memlekettik krematoriiler salynatynyn aitty. Marqumdy órteý kerek degen pikirdi qoldaityndar az emes.
Mundai mekemelerdi salý týraly tarmaq «Jerleý jáne jerleý isi týraly» zańda bar.
"Qazir bul zańda belgili bir din ókilderin krematsiialaý múmkindigi qarastyrylǵan. Krematoriiler túrli aýrýdan ólgen janýarlarǵa da arnalǵan. Qazir olardyń máiitteri qarapaiym qoqysqa laqtyrylýda", - dedi Marlen Mamataliev.
Depýtat krematoriiler úkimet qarjysyna Qyrǵyzstan qalalarynda ǵana salynatynyn aitty.
"Krematsiialaý jumystaryn qatań túrde tiisti organdar júzege asyrady. Týystary rastaý qujattaryn kórsetýi kerek. Kim qalasa, sol jasai salatyndai ońai nárse bolmaidy", - dedi Mamataliev.
