Qyrǵyzstanda Kavasaki sindromy belgileri baiqalǵan balalar sany 28-ge jetti. Bul týraly 9 aqpanda Azattyqtyń Qyrǵyz qyzmetine Ana jáne balany qorǵaý ulttyq ortalyǵynyń direktory Kamchybek Ýzakbaev habarlady. Onyń sózine qaraǵanda, olardyń 15-ine diagnoz qoiylǵan.
"Ókinishke qarai, bul balalar jazda koronavirýstyń jeńil simptomsyz túrine shaldyǵyp, sýyq túskende postkovidtik sindromǵa shaldyqqan. Olardyń arasynda Kavasaki sindromyna da shaldyqqandar da bar. Baqytymyzǵa orai, barlyǵy jazylyp jatyr" dedi ol.
9 aqpan kúngi málimet boiynsha, Qyrǵyzstanda 150-den astam bala aýrýhanada koronavirýs pnevmoniiasynan emdelip jatyr. 20-ynyń jaǵdaiy aýyr.
Mamandar Kavasaki sindromyn "mýltijúielik qabyný sindromy" dep te ataidy. Olar ony "júrek, ókpe, búirek, mi, teri, kóz, as-qorytý júiesi siiaqty aǵzanyń ártúrli bóliginiń qabynýy" dep túsindiredi. Mýltijúielik qabyný sindromy bar balalardyń dene qyzýy kóterilip, aýyrsyný sezimi, qusý, ishi ótý, moiny aýyrý, denesi bórtý, kózi qantalaý, sharshaý siiaqty ártúrli belgiler paida bolýy múmkin.
Qazaqstanda resmi málimet boiynsha, koronavirýs infektsiiasymen aýyrǵan 43 balada Kavasaki sindromy tirkelgen. Eki bala osy sindromnan kóz jumǵan.
