Qyrǵyzstanda qazan aiynyń basynda demonstranttar talabymen qamaýdan bosatylǵan burynǵy premer-ministr Sapar Isakov pen Bishkektiń burynǵy meri Albek Ibraimovqa izdeý jariialandy. Ulttyq qaýipsizdik jónindegi memlekettik komitettiń baspasóz qyzmeti taratqan habarlamada osylai dep jazylǵan.
Osyǵan deiin quqyq qorǵaý organdary olar 12 qazanǵa deiin túrmege oralmasa, arnaiy sharalar qoldanatynyn habarlaǵan edi.
17 qazanda áleýmettik jelide Sapar Isakovtyń Frantsiiadan saiasi baspana suraǵany jaily aqparat taraǵan. Al Qyrǵyzstan sotsial-demokratiialyq partiiasyndaǵy burynǵy prezident Almazbek Atambaevty qoldaityn top ókili Kýndýz Joldýbaevanyń aitýynsha, Isakovtyń qaida ekenin burynǵy sheneýniktiń otbasy da, áriptesteri de bilmeidi. Áriptesteri Isakovtyń qolynda jeke basyn anyqtaityn qujattary da joq ekenin aitady.
6 qazanǵa qaraǵan túni demonstranttar talabymen burynǵy prezident Almazbek Atambaev jáne onymen birge Bishkek jylý elektr tsehy jobasyndaǵy jemqorlyqqa qatysty sottalǵan birqatar burynǵy saiasatkerler Salaidin Avazov, Damir Mýsakeev, Raikan Tologonov jáne Aibek Kaliev bosatylǵan. Keiinirek olardyń bári qamaýǵa qaita alynǵan. Biraq joǵaryda atalǵan burynǵy eki sheneýnikti quqyq qorǵaý organdary taba almaǵan.
2019 jyly maýsym aiynda Bishkek soty Sapar Isakovty "Jemqorlyq" baby boiynsha kináli dep taýyp, 18 jylǵa bas bostandyǵynan aiyrǵan. Buǵan qosa, 247 mln 650 myń 281 som kóleminde aiyppul salǵan. Ol ózine taǵylǵan aiypty joqqa shyǵaryp, ózin saiasi qýdalap otyrǵanyn aitqan.
Al Bishkektiń burynǵy meri Albek Ibraimovke 2019 jyldyń sońynda úkim shyqqan. Oǵan da "Jemqorlyq" baby boiynsha aiyp taǵyldy. Sot ony 15 jylǵa bas bostandyǵynan aiyrǵan.
