Qyrǵyzstanda 18 shildege qaraǵan kúni bir táýlikte 70 dárigerden koronavirýs infektsiiasy anyqtaldy. Olardyń úshten biri Bishkek qalasynyń úlesinde. Bul týraly eldiń pandemiiamen kúres jónindegi jedel shtaby habarlady.
Epidemiia bastalǵaly elde barlyǵy 2269 medqyzmetkerdiń COVID-19 infektsiiasyn juqtyrǵany rastalǵan. Onyń ishinde 600 adam dertten aiyǵyp shyqqan. Keshegi táýlikte segiz qyzmetker jazylǵan.
Bir táýlikte barlyǵy 1264 adamnyń virýs juqtyrǵany tirkeldi. Resmi derek boiynsha, epidemiia bastalǵaly koronavirýs infektsiiasy 25 myń adamnan tabylǵan. Onyń ishinde 858 adam aýrýdan qaitys bolǵan.
Qyrǵyzstan úkimeti jaqynda pnevmoniiany koronavirýs statistikasyna qosa bastady. Oǵan deiin dárigerlerdiń pnevmoniiany koronavirýs qozdyryp otyr degen eskertýine qaramastan ókpe aýrýyn COVID-19 statistikasyna qospai kelgen.
Belgileri boiynsha koronavirýs aýrýyna uqsaityn biraq zerthana taldaýy teris nátije bergen pnevmoniia jaǵdailary Qazaqstanda da kúrt artqan Keshe, 17 shilde kúni eldiń densaýlyq saqtaý ministri 1 tamyzdan bastap qozdyrýshysy belgisiz (zerthana taldaýymen rastalmaǵan – red.) pnevmoniia jaǵdailary koronavirýs statistikasyna qosylady dedi.
