Qyrǵyzstannyń Jalal-Abad oblysynyń Sozaq aýdanynda bolǵan oqiǵa saldarynan 30-dan astam mektep oqýshysy zardap shekken oqiǵanyń mán-jaiyn anyqtaý boiynsha vedomstvoaralyq komissiianyń jumysy aiaqtaldy.
"2 mamyrda Sozaq aýdany Jerge-Tal aýylynda ótken «Uranym Manas» mádeni sharasy kezinde bolǵan oqiǵanyń mán-jaiy anyqtaldy. Qyrǵyz Respýblikasynyń Prezidenti Sadyr Japarovtyń tapsyrmasymen qurylǵan vedomstvoaralyq komissiianyń qorytyndysynda atalǵan sharany uiymdastyrýshylar qatysýshylardyń qaýipsizdigin qamtamasyz etý úshin qajetti sharalardy qoldanbaǵany atalyp ótti. Ásirese, oblystyq, aýdandyq ishki ister organdarynyń basshylary ózderine júktelgen mindetterdi tiisti deńgeide oryndamaǵan. Sonymen qatar, bilim berý mekemeleriniń jaýapty tulǵalarynyń aýdandyq jáne oblystyq basqarmalarmen durys áreket etpegeni anyqtaldy", - delingen vedomstvo habarlamasynda.
Qyrǵyzstan prezidenti baspasóz qyzmetiniń málimetinshe, tergeý barysynda jergilikti ózin-ózi basqarý organdarynyń basshylaryna «Uranym Manas» konkýrsyn ótkizýdiń naqty kúni týraly habarlanbaǵany týraly jekelegen faktiler anyqtaldy. Is-sharany uiymdastyrý máseleleri 1 mamyrdan 5 mamyrǵa deiingi kúnder jumyssyz dep jariialanýyna bailanysty qiyndai túsken.
"Vedomstvoaralyq komissiia oqiǵanyń mán-jaiyn tekserý nátijesi boiynsha tártiptik jazalar jariialaýdy, sondai-aq tiisti ministrlikter men jergilikti ózin-ózi basqarý organdarynyń basshylary men qyzmetkerlerin atqaratyn qyzmetinen bosatýdy usyndy. Barlyǵy 21 adam tártiptik jaýapkershilikke tartyldy, onyń ishinde 6 laýazymdy tulǵa qyzmetinen bosatýǵa usynyldy", - delingen habarlamada.
Baspasóz qyzmetiniń málimetinshe, sharaǵa aýdan boiynsha 18 mektepten barlyǵy 2878 oqýshy men 341 muǵalim qatysty. Bul rette jol qaýipsizdigin qamtamasyz etý úshin jol politsiiasy bóliminen eki-aq inspektor jumyldyrylǵan.
Osyǵan deiin Qyrǵyzstanda balmuzdaq tiegen júk kóligi 29 balany qaǵyp ketkenin jazǵan edik.
.jpg)