Qyrǵyzstanda «Abai Uii» mádeni-iskerlik ortalyǵy ashyldy, dep habarlaidy "Ult aqparat" Qazaqstan Respýblikasy Aqparat jáne qoǵamdyq damý ministrligine silteme jasap.
Búgin «Otandastar qory» kommertsiialyq emes AQ Qyrǵyz Respýblikasynyń Ulttyq kitaphanasynyń bazasynda QR Aqparat jáne qoǵamdyq damý ministrliginiń qoldaýymen Qyrǵyzstanda turatyn otandastarmen kezdesý ótkizdi.
Júzdesýge «Otandastar qory» KEAQ prezidenti Nurtai Abyqaev, Qazaqstan Respýblikasy Parlamenti Májilisiniń depýtattary Qazbek Isa, Maqpal Tájmaǵambetova jáne qazaqtar qaýymdastyǵynyń tóraiymy Gúlshat Asylbaeva, Qyrǵyzstannyń qazaq qaýymdastyqtarynyń ókilderi qatysty.
Is-shara aiasynda Bishkek qalasynda «Abai Uii» mádeni-iskerlik úiiniń ashylý rásimi ótti.
«Abai Uii» ortalyǵy jumysynyń negizgi qaǵidaty sheteldegi qazaq ulttyq mádeni ortalyqtaryn biryńǵai jelige biriktirý, ulttyń mádeni murasyn nasihattaý, sheteldik qazaqtarmen iskerlik jáne gýmanitarlyq bailanystardy nyǵaitý, qazaqstandyq biznesti shetelde ilgeriletý, tarihi Otanyna kóshýge niet bildirgen otandastardy repatriatsiialaýǵa daiyndaý bolyp tabylady.
Qazaqstan Respýblikasy Elshiliginiń málimeti boiynsha, Qyrǵyz Respýblikasynda 39 myńǵa jýyq etnikalyq qazaq turady.
