Qyrǵyzstanda 10 sáýir saǵat 10:00-degi jaǵdai boiynsha COVID-19 koronavirýs indetin juqtyrýdyń taǵy 18 oqiǵasy tirkelgen. Bul týraly brifing kezinde densaýlyq saqtaý ministriniń orynbasary Mamedin Qarataev málim etti, dep habarlaidy Kabar.
Osylaisha, elde koronavirýs infektsiiasyn juqtyrǵandar sany 298 adamǵa jetken. Virýsty jańa juqtyryp alǵandar arasynda bes adam – meditsinalyq qyzmetkerler, dep málimdedi densaýlyq saqtaý ministriniń orynbasary.
Onyń aitýynsha, qazirgi kezde elde COVID-19 diagnozy qoiylǵan meditsinalyq qyzmetkerler sany 39-ǵa jetken.
39 adam jazylyp, aýrýhanadan shyqty. Bes adam qaitys boldy.
Densaýlyq saqtaý ministri orynbasarynyń aitýynsha, qazirgi kezde statsionarlarda koronavirýs diagnozymen 254 adam jatyr, sonyń ishinde segiz adamnyń jaǵdaiy aýyr, dep habarlaidy Kabar.
