Qyrǵyz Respýblikasynyń Jogorký Kenesh depýtattary el úkimetine senimsizdik votýmyn bildirdi. Osy sheshimge 101 depýtat daýys bergen, dep habarlaidy «QazAqparat» HAA Kabar agenttigine silteme jasap.
Buryn «Respýblika - Ata-Jýrt» fraktsiiasynyń lideri Jyrǵalbek Turysqulov tóraǵa Dastanbek Jumabekovten parlament otyrysynyń kún tártibine úkimetke senimsizdik votýmyn bildirý týraly máseleni engizýdi suraǵan bolatyn. Ony «Ata Meken» fraktsiiasynyń basshysy Almambet Shykmamatov ta qoldady.
Sodan keiin Konstitýtsiialyq zańnama, memlekettik qurylys, sot-quqyq máseleleri jáne Jogorký Keneshtiń Reglamenti jónindegi komitet 15 minýttyq otyrys ótkizdi jáne Ministrler kabinetine senimsizdik votýmyn bildirý týraly máseleni parlamenttiń qaraýyna engizý týraly sheshim qabyldady.
Keiin depýtattardyń daýys berýi boiynsha, Jogorký Kenesh úkimetke senimsizdik votýmyn bildirý týraly qaýly qabyldady, oǵan 101 depýtat daýys bergen.
Eske sala keteiik, «Respýblika - Ata Jýrt», «Ata Meken» jáne «Onýgýý-Progress» fraktsiialary úkimet usynǵan 2017 jyldyń esebine qanaǵattanbaǵan bolatyn. Buǵan deiin Qyrǵyzstannyń sotsial-demokratiialyq partiiasy men «Qyrǵyzstan» partiiasy Ministrler kabinetiniń esebin qabyldaǵan.
Sapar Isaqovtyń úkimeti 2017 jylǵy 26 tamyzda bekitilgen.
