Naýryz merekesine orai Qasym-Jomart Toqaevtyń atyna shet memleketterdiń basshylarynan, halyqaralyq uiymdardyń jetekshilerinen quttyqtaý jedelhattary áli de kelip túsip jatyr, dep habarlaidy Aqorda.
Qyrǵyz Respýblikasynyń Prezidenti Sadyr Japarov óz quttyqtaýynda ortaq muramyz ári jyl basy sanalatyn Naýryz meiramyn babalarymyzdyń izgi nietpen jáne úlken úmitpen toilaǵanyn jazǵan.
– Kóktemniń osynaý merekesi baýyrlas eki halyqtyń damyp, órkendeýine aqjoltai bolsyn. Qyrǵyzstan men Qazaqstan arasyndaǵy ortaq rýhani qundylyqtarǵa, dostyqqa jáne strategiialyq seriktestikke negizdelgen kópjaqty qatynastardy odan ári damytý úshin Sizben yntymaqtastyqta jumys isteimiz dep úmittenemin, – delingen jedelhatta.
Túrikmenstan Prezidenti Serdar Berdimuhamedov te Memleket basshysy men baýyrlas Qazaqstan halqyna óziniń quttyqtaýy men izgi tilegin joldady.
– Naýryz meiramy ejelden tabiǵattyń, tirshiliktiń qaita túlep, kóktemniń kelgenin bildiredi. Bul mereke qonaqjailyq, beibitbishilik, tatý kórshilik jáne gýmanizmniń biik qaǵidattaryna negizdelgen dástúrdi ushtastyrady. Sondyqtan onyń halyqtar arasyndaǵy birlik pen dostyqty nyǵaitýdaǵy mańyzy erekshe. Osynaý biregei meiram Sizge, barsha Qazaqstan halqyna qýanysh, amandyq, baq-bereke ákelsin, – dep jazǵan Túrikmenstan Prezidenti.
Iran Islam Respýblikasynyń Prezidenti Ibrahim Raisi quttyqtaý jedelhatynda Naýryz meiramy azamattarymyzdyń júrekterine qýanysh syilap, aimaqtaǵy barlyq halyqqa beibitshilik pen yntymaq alyp kelsin dep júrekjardy tilegin jazǵan.
– Iran Islam Respýblikasy osy mádeni yntymaqtastyqty, beibitshilik pen tynyshtyqty búkil álemge jaiý jáne nyǵaitý isin qoldaidy. Sondai-aq bul maqsatqa qol jetkizý úshin barlyq elge dostyq qolyn sozýǵa daiyn, – delingen Iran Prezidentiniń jedelhatynda.
Sonymen qatar ózderiniń quttyqtaý jedelhattaryn Túrki memleketteri uiymy Aqsaqaldar keńesiniń tóraǵasy Binali Iyldyrym, Túrkitildes elderi Parlamenttik Assambleiasynyń Bas hatshysy Mehmet Sýreia Er, TÚRIKSOI-dyń bas hatshysy Dúisen Qaseiinov, Ujymdyq qaýipsizdik týraly shart uiymynyń Bas hatshysy Stanislav Zas, Eýropadaǵy qaýipsizdik jáne yntymaqtastyq uiymynyń Az ulttar isteri jónindegi joǵarǵy komissary Qairat Abdrahmanov, Aziiadaǵy ózara is-qimyl jáne senim sharalary jónindegi keńes Hatshylyǵynyń atqarýshy direktory Qairat Sarybai jáne basqalar joldady.
