16 maýsymda Bishkektiń Pervomai aýdandyq sotynda qylmystyq top jetekshisi "Aziz Batýkaevty zańsyz bosatý isi" boiynsha protseste jaryssóz boldy. Bul is boiynsha aiyptalýshylar arasynda burynǵy prezident Almazbek Atambaev ta bar.
Eks-prezidenttiń advokaty Zamir Jooshevtyń aitýynsha, aiyptaý taraby Almazbek Atambaevtyń bas bostandyǵyn 15 jylǵa aiyrýdy suraǵan. Buǵan qosa, barlyq memlekettik nagradalarynan aiyryp, múlkin kámpeskeleýdi ótingen. Sot úkimi 18 maýsymda oqylýy tiis.
Batýkaevty zańsyz bosatý jónindegi qylmystyq iste 19 aiyptalýshy bar. Tórt aiyptalýshynyń (arasynda Almazbek Atambaev ta bar) isi jeke óndiriske bólinip, Pervomai aýdandyq sotyna jiberilgen. 14 adam tergeý tarabymen kelisim jasasqan. Olardyń isi Sverdlov aýdandyq sotyna jiberilgen.
Qylmystyq top jetekshisi Aziz Batýkaev 2013 jyly Naryndaǵy túrmeden densaýlyǵyna bailanysty merziminen buryn bosatylǵan. Dárigerlerdiń bergen anyqtamasynda onyń "aýyr syrqatqa ushyraǵany" jazylǵan. Sol kezde ol Bishkektiń halyqaralyq áýejaiyna jetkizilip, sol jerden Groznyiǵa ushyp ketken.
2019 jyly Reseidiń ishki ister ministrligi bul fakt boiynsha tergeý amaldaryn qaita bastaǵan. Qazir is sotta qaralyp jatyr. Ony zańsyz bosatý boiynsha iste Almazbek Atambaevtan bólek, burynǵy bas prokýror Indira Joldybaeva, qylmystyq atqarý memlekettik qyzmeti tóraǵasynyń burynǵy keńesshisi Kalybek Kachkynaliev, gematologiia ortalyǵynyń burynǵy direktory Abdýhalik Raiymjanov bar. Bul is boiynsha, ózge de burynǵy joǵary laýazymdy tulǵalar aiyptalǵan.
