16 ماۋسىمدا بٸشكەكتٸڭ پەرۆوماي اۋداندىق سوتىندا قىلمىستىق توپ جەتەكشٸسٸ "ازيز باتۋكاەۆتى زاڭسىز بوساتۋ ٸسٸ" بويىنشا پروتسەستە جارىسسٶز بولدى. بۇل ٸس بويىنشا ايىپتالۋشىلار اراسىندا بۇرىنعى پرەزيدەنت المازبەك اتامباەۆ تا بار.
ەكس-پرەزيدەنتتٸڭ ادۆوكاتى زامير جووشەۆتىڭ ايتۋىنشا, ايىپتاۋ تارابى المازبەك اتامباەۆتىڭ باس بوستاندىعىن 15 جىلعا ايىرۋدى سۇراعان. بۇعان قوسا, بارلىق مەملەكەتتٸك ناگرادالارىنان ايىرىپ, مٷلكٸن كەمپەسكەلەۋدٸ ٶتٸنگەن. سوت ٷكٸمٸ 18 ماۋسىمدا وقىلۋى تيٸس.
باتۋكاەۆتى زاڭسىز بوساتۋ جٶنٸندەگٸ قىلمىستىق ٸستە 19 ايىپتالۋشى بار. تٶرت ايىپتالۋشىنىڭ (اراسىندا المازبەك اتامباەۆ تا بار) ٸسٸ جەكە ٶندٸرٸسكە بٶلٸنٸپ, پەرۆوماي اۋداندىق سوتىنا جٸبەرٸلگەن. 14 ادام تەرگەۋ تارابىمەن كەلٸسٸم جاساسقان. ولاردىڭ ٸسٸ سۆەردلوۆ اۋداندىق سوتىنا جٸبەرٸلگەن.
قىلمىستىق توپ جەتەكشٸسٸ ازيز باتۋكاەۆ 2013 جىلى نارىنداعى تٷرمەدەن دەنساۋلىعىنا بايلانىستى مەرزٸمٸنەن بۇرىن بوساتىلعان. دەرٸگەرلەردٸڭ بەرگەن انىقتاماسىندا ونىڭ "اۋىر سىرقاتقا ۇشىراعانى" جازىلعان. سول كەزدە ول بٸشكەكتٸڭ حالىقارالىق ەۋەجايىنا جەتكٸزٸلٸپ, سول جەردەن گروزنىيعا ۇشىپ كەتكەن.
2019 جىلى رەسەيدٸڭ ٸشكٸ ٸستەر مينيسترلٸگٸ بۇل فاكت بويىنشا تەرگەۋ امالدارىن قايتا باستاعان. قازٸر ٸس سوتتا قارالىپ جاتىر. ونى زاڭسىز بوساتۋ بويىنشا ٸستە المازبەك اتامباەۆتان بٶلەك, بۇرىنعى باس پروكۋرور ينديرا جولدىباەۆا, قىلمىستىق اتقارۋ مەملەكەتتٸك قىزمەتٸ تٶراعاسىنىڭ بۇرىنعى كەڭەسشٸسٸ كالىبەك كاچكىناليەۆ, گەماتولوگييا ورتالىعىنىڭ بۇرىنعى ديرەكتورى ابدۋحاليك رايىمجانوۆ بار. بۇل ٸس بويىنشا, ٶزگە دە بۇرىنعى جوعارى لاۋازىمدى تۇلعالار ايىپتالعان.
