Qyrǵyzstan Prezidenti Sooronbai Jeenbekov Qazaqstan Prezidenti Qasym-Jomart Toqaevqa qazirgidei kúrdeli kezeńde qoldaý kórsetip, gýmanitarlyq kómek bergeni úshin alǵys aityp, jedelhat joldady.
Bul týraly búgin óziniń Facebook-tegi paraqshasynda QR Prezidentiniń baspasóz hatshysy Berik Ýáli jazdy.
«Osynaý qiyn-qystaý kezeńde baýyrlas qazaq eliniń kórsetken qoldaýyn, sondai-aq, Ortalyq Aziiadaǵy pandemiiamen kúreske Qazaqstan tarapynyń qosqan úlesi men kúsh-jigerin joǵary baǵalaimyz. Eki el arasyndaǵy dostyq, tatý kórshilik, odaqtastyq jáne strategiialyq áriptestik aldaǵy ýaqytta da ózara túsinistik negizde dami beredi dep senemin», – delingen jedelhatta.
Sooronbai Jeenbekov Qasym-Jomart Toqaevqa zor densaýlyq, memlekettik qyzmetine igilik, al, baýyrlas qazaq halqyna beibitshilik pen tabys tiledi.
