Qyrǵyzstannyń sailaý jáne referendým ótkizý jónindegi ortalyq komissiiasyna biylǵy prezidenti sailaýyna qatysýǵa niet bildirgen taǵy úsh adamnan ótinish túsken. Qyrǵyzstan prezidenttigine kandidat bolǵysy keletinder sany qazir 51 adamǵa jetken. Bul týraly Azattyq jazdy.
Qyrǵyzstan prezidenti sailaýyna túsýge "Polot bek" qoǵamdyq qorynyń prezidenti Polotbek Kenjequlov, "Ridýan" jaýapkershiligi shekteýli seriktestiginiń bas direktory Aqylbek Mansýrov, qoǵam qairatkeri Talǵatbek Kojogýlov ótinish bergen.
Qyrǵyzstanda prezident sailaýy biyl qazannyń 15-i kúni ótedi dep belgilengen. Prezident sailaýyna túsýge niet bildirgender resmi organǵa ótinishin tamyzdyń 1-ine deiin tapsyrýy tiis. Prezidenttikke kandidattardyń túpkilikti tizimin sailaý jáne referendým ótkizý jónindegi ortalyq komissiia qyrkúiektiń 10-y kúni jariialaidy.
Qyrǵyzstan konstitýtsiiasy boiynsha, prezident tek bir ǵana merzimge sailanatyndaqtan eldiń qazirgi prezidenti Almazbek Atambaev bul qyzmetten ketedi. Biraq Qyrǵyzstan konstitýtsiiasyna sońǵy engizilgen ózgertýler prezidenttiń ókiletin azaityp, premer-ministrdiń quzyretin keńeitti. Saiasi básekelesteri Atambaev negizgi zańǵa ózgertýlerdi ózi prezident qyzmetinen ketkennen keiin úkimet jetekshisi retinde bilikke qaita kelý úshin engizdi dep sanaidy.
