Búgin Bishkektegi klinikalyq infektsiialyq aýrýhanada Jogorký Keneshtiń eks-spikeri, qoǵam qairatkeri Mýkar Cholponbaev qaitys boldy. Ol koronavirýstan emdelip jatqan bolatyn, dep habarlaidy QazAqparat Kabar agenttigine silteme jasap.
«Koronavirýstan emdelý kezinde onyń jaǵdaiy nasharlap, aýrýy asqynyp ketti. Ekijaqty pnevmoniia, tynys alý jetispeýshiligi siiaqty asqynýlar paida boldy. Onyń budan bólek júrek, búirek jáne býyn aýrýlary bar edi. Onyń jasy 70-te bolatyn» delingen habarlamada.
Cholponbaev aýrýhanaǵa 5 mamyrda túsken. Jaǵdaiy kúrt nasharlaǵan soń 12 mamyrda jansaqtaý bólimine aýystyrylǵan. Búgin saǵat 12:10-da júrgizilgen reanimatsiialyq sharalarǵa qaramastan ol koronavirýstan kóz jumdy.
Respýblikalyq shtab marqumnyń jaqyndary men týystaryna kóńil aitty.
Jalpy, Qyrǵyzstanda koronavirýstan 15 adam qaitys bolǵan.
Búgin 24 mamyrda elde 38 adam indet juqtyrǵan. Barlyq naýqastar sany - 1403, jazylǵandar - 980. 275 meditsina qyzmetkeri aýrýǵa shaldyqqan.
