Qyrǵyzstan ortalyq sailaý komissiiasy 10 qańtarǵa belgilengen prezident sailaýyna úmitker retinde qatysqysy keletinderdiń sany 7-ge jetkenin habarlady. Sársenbi kúni parlament spikeri qyzmetinen bas tartqan "Kyrgyzstan" partiiasynyń jetekshisi Kanatbek Isaev ótinishin 4 qarashada tapsyrǵan.
Osyǵan deiin Bakyt Beketaev, Bektýr Asanov, Nazarbek Nyshanov, Kýban Choroev, Arstanbek Abdyldaev jáne Adahan Madýmarovtyń ótinish tapsyrǵany habarlanǵan edi.
Parlament spikeri Kanatbek Isaev 4 qarasha kúngi Jogorký keńesh otyrysynda prezident sailaýyna qatysqysy kelgendikten qyzmetinen bas tartatynyn málimdegen edi.
Qyrǵyzstanda 4 qazanda parlament sailaý ótip, onyń nátijesine narazy bolǵan on shaqty saiasi partiia 5 qazanda miting uiymdastyrǵan bolatyn. Narazylyqtyń sońy qaqtyǵysqa ulasyp, aqyry bilik almasqan. Qazir prezident mindetin demonstranttar talabymen qamaýdan bosap shyqqan Sadyr Japarov atqaryp jatyr. Japarov ta osyǵan deiin prezident sailaýǵa qatysý oiy baryn aityp, 14 qarashaǵa deiin qyzmetinen ketetinin málimdegen. Ázirge ortalyq sailaý komissiiasyna ótinish bermegen.
Qyrǵyzstanda prezident sailaýy 2021 jyly 10 qańtarda ótedi. Prezidenttikten úmitkerler 15 qarashaǵa deiin OSK-ǵa ótinish tapsyryp, 7 jeltoqsanǵa deiin 1 million som kóleminde tiisti jarna tóleýi tiis.
