Batken oblysyndaǵy qaqtyǵys aimaǵynan evakýatsiialanǵan qyrǵyzstandyqtardyń sany 848 adamdy qurady, dep habarlaidy Batken oblystyq ákimshiliginiń baspasóz qyzmeti.
Olardyń 498-i Batken qalasyna, 350-i Leilek aýdanyna kóshirildi. Evakýatsiialanǵan turǵyndar tamaqpen jáne qajetti zattarmen qamtamasyz etilgen. Shekaradaǵy jaǵdai odan saiyn shielenisip, atys jalǵasýda.
Esterińizge sala keteiik, Qyrǵyzstan men Tájikstan shekarasyndaǵy jaǵdai 28 sáýirde TR azamattary Batken aýdanynyń Kók-Tash aýylyndaǵy sý qabyldaǵyshqa beinebaqylaý kameralaryn ornata bastaǵannan keiin shielenise tústi. Birlesken atys nátijesinde eki eldiń turǵyndary bir-birine tas laqtyra bastady. Keiinnen tájikter tarapy Qyrǵyzstan azamattarynyń janynan ótip bara jatqan avtomashinalarǵa ańshylyq myltyqpen oq ata bastaǵan.
Densaýlyq saqtaý ministrliginiń málimetinshe, qazirgi ýaqytta 17 adam zardap shekti, bireýi qaitys boldy.
