Foto: 24.kg
Qyrǵyz-tájik shekarasynda qaqtyǵys boldy, - dep habarlaidy Tengrinews.kz agenttigi 24.kg saityna silteme jasap.
Qyrǵyzstan Ulttyq qaýipsizdik memlekettik komitetiniń shekara qyzmeti 14 qyrkúiekte Batken oblysynyń Bulaq-Bashy aýdanynda Qyrǵyzstan shekarashylary Tájikstannan kelgen jasaqty anyqtaǵanyn habarlady. Qyrǵyzstan Ulttyq qaýipsizdik memlekettik komiteti ókilderiniń aitýynsha, kórshi eldiń áskeri qyzmetkerleri kelisimderdi buza otyryp, memlekettik shekaranyń belgilenbegen ýchaskesinde jaýyngerlik pozitsiiaǵa ornalasqan.
"Qyrǵyz tarapynyń aýmaqtan ketý týraly talaptaryn elemei, tájik shekarashylary oq jaýdyrdy. Buǵan jaýap retinde Qyrǵyzstan shekarashylary da qarý qoldandy. Atys bastaldy, onyń barysynda tájik tarapy minomet qoldandy. Saǵat 9:30-daǵy jaǵdai boiynsha, atys mezgil-mezgil bolyp jatyr. Aldyn ala málimet boiynsha, qyrǵyz tarapynan zardap shekkender men jaralanǵandar joq", - dedi Qyrǵyzstan shekara qyzmetiniń baspasóz ortalyǵy ókilderi.
Sonymen qatar, Prezidenttiń Batken oblysyndaǵy ókiletti ókili Ábdikárim Álimbaevtyń baspasóz qyzmeti ol tájik áriptesi Radjabboi Ahmadzodamen shekaradaǵy qaqtyǵysty retteý boiynsha kelissóz júrgizip jatqanyn habarlady.
"Qaqtyǵys bolǵan jer alys taýlarda ornalasqan. Beibit turǵyndar onda turmaidy. Prezidenttiń Batken oblysyndaǵy ókili tájik áriptesimen atysty toqtatý týraly kelissóz júrgizip jatyr. Qyrǵyz-tájik shekarasynyń basqa ýchaskelerinde jaǵdai turaqty", - dedi vedomstvo ókilderi.
