فوتو: 24.kg
قىرعىز-تەجٸك شەكاراسىندا قاقتىعىس بولدى, - دەپ حابارلايدى Tengrinews.kz اگەنتتٸگٸ 24.kg سايتىنا سٸلتەمە جاساپ.
قىرعىزستان ۇلتتىق قاۋٸپسٸزدٸك مەملەكەتتٸك كوميتەتٸنٸڭ شەكارا قىزمەتٸ 14 قىركٷيەكتە باتكەن وبلىسىنىڭ بۇلاق-باشى اۋدانىندا قىرعىزستان شەكاراشىلارى تەجٸكستاننان كەلگەن جاساقتى انىقتاعانىن حابارلادى. قىرعىزستان ۇلتتىق قاۋٸپسٸزدٸك مەملەكەتتٸك كوميتەتٸ ٶكٸلدەرٸنٸڭ ايتۋىنشا, كٶرشٸ ەلدٸڭ ەسكەري قىزمەتكەرلەرٸ كەلٸسٸمدەردٸ بۇزا وتىرىپ, مەملەكەتتٸك شەكارانىڭ بەلگٸلەنبەگەن ۋچاسكەسٸندە جاۋىنگەرلٸك پوزيتسيياعا ورنالاسقان.
"قىرعىز تاراپىنىڭ اۋماقتان كەتۋ تۋرالى تالاپتارىن ەلەمەي, تەجٸك شەكاراشىلارى وق جاۋدىردى. بۇعان جاۋاپ رەتٸندە قىرعىزستان شەكاراشىلارى دا قارۋ قولداندى. اتىس باستالدى, ونىڭ بارىسىندا تەجٸك تاراپى مينومەت قولداندى. ساعات 9:30-داعى جاعداي بويىنشا, اتىس مەزگٸل-مەزگٸل بولىپ جاتىر. الدىن الا مەلٸمەت بويىنشا, قىرعىز تاراپىنان زارداپ شەككەندەر مەن جارالانعاندار جوق", - دەدٸ قىرعىزستان شەكارا قىزمەتٸنٸڭ باسپاسٶز ورتالىعى ٶكٸلدەرٸ.
سونىمەن قاتار, پرەزيدەنتتٸڭ باتكەن وبلىسىنداعى ٶكٸلەتتٸ ٶكٸلٸ ەبدٸكەرٸم ەلٸمباەۆتىڭ باسپاسٶز قىزمەتٸ ول تەجٸك ەرٸپتەسٸ رادجاببوي احمادزودامەن شەكاراداعى قاقتىعىستى رەتتەۋ بويىنشا كەلٸسسٶز جٷرگٸزٸپ جاتقانىن حابارلادى.
"قاقتىعىس بولعان جەر الىس تاۋلاردا ورنالاسقان. بەيبٸت تۇرعىندار وندا تۇرمايدى. پرەزيدەنتتٸڭ باتكەن وبلىسىنداعى ٶكٸلٸ تەجٸك ەرٸپتەسٸمەن اتىستى توقتاتۋ تۋرالى كەلٸسسٶز جٷرگٸزٸپ جاتىر. قىرعىز-تەجٸك شەكاراسىنىڭ باسقا ۋچاسكەلەرٸندە جاعداي تۇراقتى", - دەدٸ ۆەدومستۆو ٶكٸلدەرٸ.
