© AKIpress
27 qańtarda keshki ýaqytta qyrǵyz-tájik shekarasyndaǵy jaǵdai kúrt nasharlady, - dep habarlaidy Tengrinews.kz.
Qyrǵyzstan UQK Shekara qyzmetiniń málimetinshe, beisenbide saǵat 17:30 - dan 18:00-ge deiin Tájikstan shekarashylary Batken aýdany Tórt-Kocho eldi mekenindegi Batken-Isfan avtojolynyń bóligindegi jol ýchaskesin birjaqty tártippen jaýyp tastaǵan.
"Qyrǵyz Respýblikasy men Tájikstan shekara ókilderi arasynda júrgizilgen kelissózderdiń qorytyndysy boiynsha jol ýchaskesi qaita ashyldy. Alaida, saǵat 19:35-te Tájikstan tarapy Batken aýdanynyń Chyr-Dobo eldi mekenindegi shekara bólimsheleri boiynsha qarý qoldanýǵa bailanysty jaǵdai nasharlady", - dep habarlady UQK baspasóz qyzmeti.
Qyrǵyzstan men Tájikstan shekara áskerleriniń bólimsheleri arasyndaǵy negizgi atys Tórt-Kocho jáne Chyr-Dobo eldi mekenderinde ótip jatqany aitylady. "Tájik tarapy minometter men granatometterdi paidalanyp jatyr", - dep atap ótti vedomstvodaǵylar.
Turmush málimetteri boiynsha, qyrǵyz-tájik shekarasyndaǵy qaqtyǵys aimaǵynan turǵyndardy evakýatsiialaý bastalǵan. Shekara mańyndaǵy turǵyndardyń birinshi toby prezidenttiń Batken oblysyndaǵy ókiletti ókildiginiń ǵimaratyna jetkizilgen. Jergilikti bilik evakýatsiialanǵan adamdarǵa úi-jailardy daiyndap jatyr.
Isfar meriiasynyń baspasóz hatshysy Zýbaidýllo Shomadovqa silteme jasaǵan Sputnik Tájikstan habaryna qaraǵanda, Tájikstan azamattarynyń kólikterine shekaranyń qyrǵyz jaǵynan tas laqtyrylǵandyqtan janjal týyndaǵan.
"Oqiǵa kólik Somonien aýylynan Chorkýh djamoatyna bara jatqanda bolǵan", - dep túsindirdi ol. Keiinirek agenttik shekarada kazarmalyq jaǵdai jariialanǵanyn habarlady.
Qazirgi ýaqytta shekarada Tájikstan men Qyrǵyzstan taraptarynan eki top adam jinalǵan. Jaǵdaidy qarýly kúshter ókilderi baqylaidy.
Sondai-aq, atys nátijesinde úsh tájik áskeri jaraqat alǵany belgili boldy. Qyrǵyzstan tarapynan zardap shekkender týraly aqparat túsken joq.
