© اكيpress
27 قاڭتاردا كەشكٸ ۋاقىتتا قىرعىز-تەجٸك شەكاراسىنداعى جاعداي كٷرت ناشارلادى, - دەپ حابارلايدى Tengrinews.kz.
قىرعىزستان ۇقك شەكارا قىزمەتٸنٸڭ مەلٸمەتٸنشە, بەيسەنبٸدە ساعات 17:30 - دان 18:00-گە دەيٸن تەجٸكستان شەكاراشىلارى باتكەن اۋدانى تٶرت-كوچو ەلدٸ مەكەنٸندەگٸ باتكەن-يسفان اۆتوجولىنىڭ بٶلٸگٸندەگٸ جول ۋچاسكەسٸن بٸرجاقتى تەرتٸپپەن جاۋىپ تاستاعان.
"قىرعىز رەسپۋبليكاسى مەن تەجٸكستان شەكارا ٶكٸلدەرٸ اراسىندا جٷرگٸزٸلگەن كەلٸسسٶزدەردٸڭ قورىتىندىسى بويىنشا جول ۋچاسكەسٸ قايتا اشىلدى. الايدا, ساعات 19:35-تە تەجٸكستان تاراپى باتكەن اۋدانىنىڭ چىر-دوبو ەلدٸ مەكەنٸندەگٸ شەكارا بٶلٸمشەلەرٸ بويىنشا قارۋ قولدانۋعا بايلانىستى جاعداي ناشارلادى", - دەپ حابارلادى ۇقك باسپاسٶز قىزمەتٸ.
قىرعىزستان مەن تەجٸكستان شەكارا ەسكەرلەرٸنٸڭ بٶلٸمشەلەرٸ اراسىنداعى نەگٸزگٸ اتىس تٶرت-كوچو جەنە چىر-دوبو ەلدٸ مەكەندەرٸندە ٶتٸپ جاتقانى ايتىلادى. "تەجٸك تاراپى مينومەتتەر مەن گراناتومەتتەردٸ پايدالانىپ جاتىر", - دەپ اتاپ ٶتتٸ ۆەدومستۆوداعىلار.
Turmush مەلٸمەتتەرٸ بويىنشا, قىرعىز-تەجٸك شەكاراسىنداعى قاقتىعىس ايماعىنان تۇرعىنداردى ەۆاكۋاتسييالاۋ باستالعان. شەكارا ماڭىنداعى تۇرعىنداردىڭ بٸرٸنشٸ توبى پرەزيدەنتتٸڭ باتكەن وبلىسىنداعى ٶكٸلەتتٸ ٶكٸلدٸگٸنٸڭ عيماراتىنا جەتكٸزٸلگەن. جەرگٸلٸكتٸ بيلٸك ەۆاكۋاتسييالانعان ادامدارعا ٷي-جايلاردى دايىنداپ جاتىر.
يسفار مەريياسىنىڭ باسپاسٶز حاتشىسى زۋبايدۋللو شومادوۆقا سٸلتەمە جاساعان Sputnik تەجٸكستان حابارىنا قاراعاندا, تەجٸكستان ازاماتتارىنىڭ كٶلٸكتەرٸنە شەكارانىڭ قىرعىز جاعىنان تاس لاقتىرىلعاندىقتان جانجال تۋىنداعان.
"وقيعا كٶلٸك سومونيەن اۋىلىنان چوركۋح دجامواتىنا بارا جاتقاندا بولعان", - دەپ تٷسٸندٸردٸ ول. كەيٸنٸرەك اگەنتتٸك شەكارادا كازارمالىق جاعداي جارييالانعانىن حابارلادى.
قازٸرگٸ ۋاقىتتا شەكارادا تەجٸكستان مەن قىرعىزستان تاراپتارىنان ەكٸ توپ ادام جينالعان. جاعدايدى قارۋلى كٷشتەر ٶكٸلدەرٸ باقىلايدى.
سونداي-اق, اتىس نەتيجەسٸندە ٷش تەجٸك ەسكەرٸ جاراقات العانى بەلگٸلٸ بولدى. قىرعىزستان تاراپىنان زارداپ شەككەندەر تۋرالى اقپارات تٷسكەن جوق.
