Qyrǵyzstan prezidenti Sooronbai Jeenbekov Qytai basshysy Si Tszinpinmen telefon arqyly sóilesip, Bishkektiń qytai bankinen alǵan qaryzyn qaita qurylymdaý máselesin talqylady. Bul týraly sársenbilik brifing kezinde vitse-premer Erkin Asrandiev habarlady. Telefon áńgime ótken aptada bolǵan.
Qytai "Eksimbank" arqyly Qyrǵyzstanǵa nesie bergen jáne sońǵy derek boiynsha, onyń kólemi 1 mlrd 793 mln dollardy (syrtqy qaryzdyń 46 paiyzy) quraidy. Qyrǵyzstannyń memlekettik qaryzynyń kólemi - 3 mlrd 860 mln dollar.
Asrandievtiń sózine qaraǵanda, "Eksimbank" Qyrǵyzstannyń qaryzyn qaita qurylymdaýǵa kelisken, alaida vitse-premer onyń jai-japsary men sharttary týraly aitpady.
"Bilýimshe, málimdememizdi [Qytai taraby] qabyldaǵan. Qazirdiń ózinde "Eksimbank" mamandarymyzǵa habarlasyp, jumys bastalyp ketti" dedi ol.
Sońǵy jyldary Qytai Qyrǵyzstannyń iri energetika jáne infraqurylym jobalaryn qarjylandyrǵan. Qytaidan alynǵan nesie kólemi artqan shaqta 2018 jyly naýryz aiynda úkimet bir qaryz berýshiden alǵan nesie kólemi syrtqy qaryzdyń 50 paiyzynan aspaýy tiis degen ereje bekitken.
