قىرعىزستان پرەزيدەنتٸ سوورونباي جەەنبەكوۆ قىتاي باسشىسى سي تسزينپينمەن تەلەفون ارقىلى سٶيلەسٸپ, بٸشكەكتٸڭ قىتاي بانكٸنەن العان قارىزىن قايتا قۇرىلىمداۋ مەسەلەسٸن تالقىلادى. بۇل تۋرالى سەرسەنبٸلٸك بريفينگ كەزٸندە ۆيتسە-پرەمەر ەركين اسرانديەۆ حابارلادى. تەلەفون ەڭگٸمە ٶتكەن اپتادا بولعان.
قىتاي "ەكسيمبانك" ارقىلى قىرعىزستانعا نەسيە بەرگەن جەنە سوڭعى دەرەك بويىنشا, ونىڭ كٶلەمٸ 1 ملرد 793 ملن دوللاردى (سىرتقى قارىزدىڭ 46 پايىزى) قۇرايدى. قىرعىزستاننىڭ مەملەكەتتٸك قارىزىنىڭ كٶلەمٸ - 3 ملرد 860 ملن دوللار.
اسرانديەۆتٸڭ سٶزٸنە قاراعاندا, "ەكسيمبانك" قىرعىزستاننىڭ قارىزىن قايتا قۇرىلىمداۋعا كەلٸسكەن, الايدا ۆيتسە-پرەمەر ونىڭ جاي-جاپسارى مەن شارتتارى تۋرالى ايتپادى.
"بٸلۋٸمشە, مەلٸمدەمەمٸزدٸ [قىتاي تارابى] قابىلداعان. قازٸردٸڭ ٶزٸندە "ەكسيمبانك" ماماندارىمىزعا حابارلاسىپ, جۇمىس باستالىپ كەتتٸ" دەدٸ ول.
سوڭعى جىلدارى قىتاي قىرعىزستاننىڭ ٸرٸ ەنەرگەتيكا جەنە ينفراقۇرىلىم جوبالارىن قارجىلاندىرعان. قىتايدان الىنعان نەسيە كٶلەمٸ ارتقان شاقتا 2018 جىلى ناۋرىز ايىندا ٷكٸمەت بٸر قارىز بەرۋشٸدەن العان نەسيە كٶلەمٸ سىرتقى قارىزدىڭ 50 پايىزىنان اسپاۋى تيٸس دەگەن ەرەجە بەكٸتكەن.
